Friday, October 29, 2010

What's on our minds? შეკითხვა რომელსაც ყოველ დღე ვპასუხობთ.

სულ სხვა რაღაცეების წერის ხასიათზე ვარ მაგრამ ეს პოსტი უკვე ჩაფიქრებული მქონდა და ბარემ დავწერ.

წუხელ ვათვალიერებდი ჩემს FB–ს და რამოდენიმე სტატუსი მომხვდა თვალში. მერე აღმოვაჩინე რომ არიან ადამიანები რომლებსაც სულ რომ არ შევხედო სახელზე და ფოტოზე ისე მივხვდები სტატუსით ვინ რომელია.

“What is on your mind” ამას ყოველდღე გვეკითხება ჩვენი პროფილი და ჩვენც თითქმის არასოდეს ვარიდებთ პასუხს თავს. ვწერთ ათასგვარ სისულელეებს და სიბრძნეებს, ვუზიარებთ მომხდარ ამბებს მეგობრებს და საჯაროდ ვეჩხუბებით სიბრაზის ობიექტებს.
ვფიქრობ სოციალურ ქსელში ყველაზე მაგარი ისაა რომ მარტო არასდროს ხარ. ყველაზე მარტოსულ ადამიანსაც კი ექმნება იმის ილუზია რომ მისი + – 1200 მეგობარი მართლა მეგობარია და ბავშვ მოანათვლინებს როცა ეყოლება :). ეს რა თქმა უნდა ასე არაა მაგრამ ახლა სტატუსებს მივხედოთ.

აი როგორები არიან ჩემი Fრენდები:

Fრენდი რომელიც ყოველთვის საინტერესო სიახლეებს გვამცნობს თავისი სტატუსებით (ჟურნალისტია და რა ქნას), თანაც ისეთი იუმორით რომ დაგხოცავთ სიცილით.

Fრენდი რომელიც ათასში ერთხელ თუ დაწერს რამეს და ისიც დაახლოებით ასე ჟღერს ‘აუ რა უაზროდ ვარ’, ‘bored’, ‘(მიმართავს ვინმეს) გამო რა ჩემთან დღეს’.....

Fრენდი რომელიც თავის პოსტში ყოველთვის რამოდენიმე კაცს თაგაცს და ერთი დიდი მეგობრული გადაძახილ–გადმოძახილ–ხმაური გამოსდის პროფილზე (და შესაბამისად ჩემს home-ში). რატომღაც მისი პოსტები სულ ტელე ღიპუცების სალამს მაგონებს, ოთხივე ღიპებით რომ ეხეთქებოდა ერთმანეთს.

Fრენდი რომლის სტატუსებიც ან წიოკობს, ან წკმუტუნებს, ან გვაუწყებს ისეთ ‘უწი–პუწიებს’ როგორიცაა ‘ბუშტი გავბერე და გავუშვი :დანცე: :დანცე: :ტაში: :ტუში:’ (ნუ ზუსტად ეს ფრაზა მგონი არასოდეს დაუწერია მაგრამ სტილი დაცულია).

Fრენდი რომლის მეგრული იუმორის მოკლე მაგრამ გადასაფიჩინებელი პოსტები მგონი ყველაზე მეტად მიყვარს. FB-ში ჩემი ერთ–ერთი პირველი მეგობარი იყო და მისი სტატუსები დღეს დანარჩენ 335 მეგობარს შორისაც ისეთივე გამორჩეულად მხიარულია როგორც მაშნ როცა სულ 10 კაცი იყო.

Fრენდი რომელიც ყოვე დღე 1 სიტყვას ან მოკლე ციტატას წერს და მასში მთელ რომანს ან 1 კვირის ამბავს უყრის თავს. ცნობიერების ნაკადის ტექნიკა ისე აქვს დამუღამებული რომ თომას მანსაც კი შეშურდება (და ფშიბისლავ ჰიპეს თვალებს დაუბნელებს :))))

Fრენდი რომელიც მეტწილად ცუდ ხასიათზეა და მისი სტატუსებიც ველადაა გაჭრილი გახელებული მიჯნურივით :).

მე კი მგონი მათგან დიდად არ განვსხვავდები. რას არ ნახავთ ჩემ სტატუსებზე. (აი მაგალითად ეხლა მიწერია: „Я перелётная птица, счастья ищешу в пути . . .“) ხან ღაღაცას ვიკითხავ და მიპასუხებენ... შემდეგ რაღაც მოვლენას გავაკრიტიკებ ან დავცინებ (ოღონდ ბოროტად არა).... მერე დღის განწყობას გამცნობთ ... ან სულაც მეც ‘შპაკატში ჩავჯდები’ თქვენსავით.

9 comments:

  1. ნეტა რამდენი წერს რასაც მართლა ფიქრობს, ან რაზეც ფიქრობს, თორემ აი მე პირადად, სულ შემთხვევით ვდებ სტატუსებს :))

    ReplyDelete
  2. მასე შემთხვევით ვწერთ ყველანი... მაგრამ ხომ მაინც ვწერთ... და პირწიგნაკიც ხმაურობს და ხმაურობს. ტვიტერს ჯერ ვერ 'ვქაჩავთ' ქართველები , მაგრამ მალე მაგასაც ისეთივე სისწრაფით დავიპყრობთ.

    ReplyDelete
  3. ჰოო, და იმედია odno-ბს დავივიწყებთ, თორემ ძალიან დიდი უაზრობაა _ ჯერ რა ფერები აქვს, წითელ-ყვითელი, აგრესიული და რაღაც ძალიან რუსულად გადაპრანჭული. და თანაც რომ გახსნი სად რა არის ვერ მიხვდები... არც შეფასების სისტემა უვარგა (აბა, როდის დაგიწერიათ 1-იანი ან 2, 3, 4, ვინმესთვის _ ეს სოციალური ქსელია თუ კრიტიკული სიმპოზიუმი), ანუ ზედმეტია

    ReplyDelete
  4. ოდნოებიდან ოდესღაც კისრის ტეხით გამოვიქეცი და არ ვნანობ საერთოდ. ისიც კარგად ვიცი რომ მოვა დრო და ფეისბუქიც მომბეზრდება მაგრამ ჯერჯერობიტ სულ ჩართული მაქვს თუნდაც სულ სხვა რაღაცას ვაკეთებდე. აი როგორც მობილური სულ გვერდით მიდევს ისე :). კარი რაღაცაა.

    ReplyDelete
  5. tomas mans uechveli likas statusebis sheshurdeboda, man icis xolme ert-sitkvian-chkvian-mdzime-pilosopiuri statusebi da me chems bolos rom gadavxede, turme mecera: nina brown is drunk da blablablao ... normaluria axla???? sada makvs chkua

    ReplyDelete
  6. ხო აი ზუსტად მიხვდი. ეგ ლიკას სტატუსებია :)))))).... დანარჩენებიც მიხვდი ალბათ იმიტომ რომ უმეტესობა საერთო Fრენდია

    ReplyDelete
  7. ჰაჰაჰ, კაი იყო, მეც მომხვედრია თვალში:))))
    მე როგორც წესი დღის განწყობის მიხედვით ვწერ ხოლმე სტატუსებს:))) უწიპუწიებიც დამიწერია, მგონი:)) ნიუსებიც და ბადრინგის პრე–პოსტ განწყობები:))))))
    ეხლა ჯერ კიდევ ჯაზის გავლენის ქვეშ ვარ და ეგეთ სტატუსებს ვწერამ :p

    ReplyDelete
  8. me statusebis mefes mezaxian..magram mere sul mparaven xome..plagiatebs ver vitan

    ReplyDelete
  9. copyrights აიღე საკუთარ პოსტებზე :)))

    ReplyDelete